Уругвайлик ҳужумчи Луис Суарес яқин келажакда Мадриднинг “Атлетико” клубини тарк этиши мумкин. “Mundo Deportivo” нашри хабарига кўра, тажрибали ҳужумчи фаолиятини Бразилия чемпионатида давом эттириш имкониятига эга. “Коринтианс” юлдуз фахрийнинг хизматларига қизиқиш билдирмоқда.
34 ёшли футболчи Мадриднинг топ-клубини тарк этишга яқин турибди. Томонлар 2021/2022 йилги мавсум охирида тугайдиган шартномани янгилашни режалаштирмаяпти.
Испания чемпионатининг жорий мавсумининг биринчи ярмида Суарес 17 та ўйин ўтказиб, 7 та гол (биттаси пенальтидан) ва битта голли узатмани амалга оширди.
