ПСЖ Франция чемпионатининг 18 тури доирасидаги ўйинда "Лорьян" билан меҳмонда дуранг ўйнади (1:1).

Парижликлар ҳужумчиси Лионель Месси тўлиқ 90 дақиқани майдонда ўтказди ва ҳеч қандай самарали ҳаракат кўрсата олмади.

Жорий мавсум лига 1да аргентиналик футболчи 11 ўйин ўтказиб, атиги битта гол урган – “Нант” дарвозасига (3:1).

Ҳужумчининг Франция чемпионатидаги голсиз серияси энди кетма-кет бешта ўйинга етди.

Умуман олганда, Лига 1да Месси рақиблари дарвозасига 43 та зарба йўллади. "Лорьян"га қарши ўйинда 4 та зарба берди.