«Лацио» ҳимоячиси Франческо Ачерби яқинда «Женоа» дарвозасига гол урганидан сўнг, мухлисларга ишора қилиб, уларни жим бўлишга чақирди. Шу тариқа, футболчи танқидларга жавоб қайтарди.
Ўша воқеадан сўнг Ачерби узр сўради, аммо мухлислар уларни қабул қилмаган кўринади. Римлик мухлислар энди Ачербининг жамоадан кетишини талаб қилишмоқда.
«Клубга хиёнат қилганлар учун кечирим йўқ. Бу шиор эмас, балки жиддий масъулиятдир», - дейилади баёнотда.
Маълумот учун, Франческо Ачерби 2018 йил ёзидан буён «Лацио» да ўйнамоқда. 2021/2022 йилги мавсумда у 24 та ўйин ўтказиб, 3 та гол урган.
