«The Athletic» журнали журналисти ва «Манчестер Сити»нинг асосий инсайдери Сем Ли Зинченко ҳақида гапирди.

«Икки-уч йил давомида мен «Сити»га чап қанот ҳимоячиси кераклигини айтдим. Ростини айтсам, улар буни тезроқ бажаришлари керак эди.

Энди бу «шаҳарликлар»га керакми, билмайман. Аке, Жон Стоунс ёки Ляпорт ҳафта охиридаги ўйинларни ўтказиб юбориши ва Зинченко бу мавсумда сўроқ остида турганлигини ҳисобга олсак, ҳимоячилар жуда кўп.

Ҳамма яхши формада бўлса, жамоада рақобат кучли бўлади. Шубҳасиз, Канселу айни дамда асосий чап қанот ҳимоячиси, лекин у ўнгда ҳам ўйнай олади. Аке худди Зинченко каби ҳимоянинг чап қанотини ёпа олади, ўнгда эса Уокер бор.

Ўйлайманки, чап қанот ҳимоясига бошқа футболчини сотиб олиш жамоа учун яхши бўлмайди. Очиғи, жароҳатлар вазиятни бироз оғирлаштириши мумкин эди, лекин менимча, янги келганлар вазиятни мураккаблаштириши мумкин», - дейди Сем Ли.