Италиянинг “Рома” клуби Мадриднинг “Реал” клуби ҳужумчиси Борха Майорал билан 2020 йил ёзги трансфер ойнасида тузилган икки йиллик ижара шартномасини муддатидан олдин бекор қилади. Бу ҳақда "La Nazione" нашрига таяниб, "Football Italia" хабар бермоқда.

"Бўрилар" футболчини 20 миллион еврога сотиб олиш ҳуқуқига эга, аммо клуб бу ҳуқуқдан фойдаланмайди. "Рома" бош мураббийи Жозе Моуриньо футболчи хизматига муҳтож эмаслигини аниқ айтган.

Маълумотларга кўра, Майорал хизматларига "Фиорентина" ва "Кристал Пэлас" қизиқиш билдирмоқда.