"Лидс Юнайтед" футболчиси Келвин Филлипс нима учун жамоасида бундай пасайиш кузатилаётганига изоҳ берди. У ўз интервьюсида шундай дейди:
"Бунда энг асосий нарса шундан иборатки, биз ҳозир баҳслашаётган клубларимиз билан олдин ҳам тўқнаш келганмиз. Биз АПЛда ортиқ янги жамоа эмасмиз. Кўплаб жамоалар биз билан ўйнаб, бизни ўрганиб олишмоқда. Улар ҳар бир ўйинда уч ёки тўрт марта ўз тактикаларини ўзгартирмоқда. Бу эса бизга ноқулайлик туғдиряпти.
Биз 4 йилдан бери шу услубда ўйнаймиз. Бу футболчиларни баъзида толиқтириб қўяди. Мен бунда мураббийни ёки бошқа кимнидир айблаш ниятим йўқ. Мен фақат ўзимни айбдор биламан. Жамоа мағлубиятида менинг ҳам айбим бўлади. Шу сабаб қўлдан келганича фақат яхши натижа учун курашишимиз лозим".