“Transfermarkt” Премьер-лиганинг энг қиммат футболчиларининг янгиланган рейтингини эълон қилди. 

Кучли учликдан ҳар бири 100 миллион евро турадиган ҳужумчилар Муҳаммад Салоҳ (“Ливерпуль”), Ромелу Лукаку (“Челси”) ва Ҳарри Кейн (“Тоттенхэм”) жой олди. Шу билан бирга, Кейннинг нархи аввалги рейтингга нисбатан 20 миллионга пасайган.

4-5-ўринларни яримҳимоячилар Бруно Фернандеш (“Манчестер Юнайтед”) ва Кевин де Брюйне (“Манчестер Сити”) банд этишди- ҳар бири 90 миллион евродан.

6-9-ўринларни ҳужумчилар Маркус Рэшфорд (“Манчестер Юнайтед”), шунингдек, яримҳимоячилар Жейдон Санчо (“Манчестер Юнайтед”), Филипп Фоден ва Рахим Стерлинг (иккаласи “Манчестер Сити”) эгаллади - ҳар бири 85 миллион евродан.

10-13-ўринларни ҳужумчилар Садио Мане (“Ливерпуль”) ва Сон Хин Мин (“Тоттенхэм”), шунингдек, яримҳимоячи Жек Грилиш (“Манчестер Сити”) ва ҳимоячи Трент Александр-Арнолд (“Ливерпул”) бўлишди - ҳар бири 80 миллион евродан.

Эслатиб ўтамиз, “Манчестер Юнайтед” ҳужумчиси Криштиану Роналду рейтинда 64-76-ўринлар оралиғидан жой олган. Унинг қиймати 35 миллионга баҳоланган.

Юқорида айтиб ўтилганлардан ташқари, “Манчестер Юнайтед”нинг бир қатор ўйинчиларининг нархи Роналдудан юқори баҳоланган, хусусан, ҳимоячи Рафаэль Варан (65 миллион), яримҳимоячи Поль Погба (55 миллион), ҳужумчи Мейсон Гринвуд (50 миллион), ҳимоячилар Гарри Магуайр ( 48 миллион), Люк Шоу (42 миллион) ва Аарон Уан-Биссака (38 миллион),