"Арсенал" "Болонья" ярим ҳимоячиси Маттиас Сванбергга қизиқиш билдирмоқда, дея хабар беради "Il Resto del Carlino".
Манбага кўра, эҳтимолий трансфер "канонирлар"га тахминан 20 миллион фунт стерлингга тушиши мумкин. Хабар қилинишича, 22 ёшли швециялик футболчи бошқа жамоаларнинг таклифларини тингламоқчи бўлгани учун клуби билан амалдаги шартномани қишки трансфер ойнаси охиригача узайтириш бўйича музокара олиб боришдан бош тортган.
2021/22 йилги мавсумда Сванберг "Болонья" сафида 21 та ўйинда майдонга тушиб, 3 та гол ва 2 та голли узатмага муаллифлик қилган. Transfermarkt.com футболчини 10,8 миллион фунтга баҳоламоқда.
