Германия терма жамоасининг собиқ бош мураббийи Йоахим Лёвга “Фенербахче”ни бошқариш таклифи тушди, деб ёзади италиялик журналист Николо Скира ўз Twitter саҳифасида.
Маълумотларга кўра, мутахассисга 2024 йилгача мўлжалланган шартнома таклиф қилинган. Клуб тез орада мураббийдан ижобий жавоб олишига умид қилмоқда.
Маълумот учун, 61 ёшли Лёв 2006 йилдан 2021 йилгача Германия терма жамоасини бошқарган. Жамоа билан биргаликда у Жаҳон чемпионати ва Конфедерациялар кубогини қўлга киритди, Европа чемпионатининг кумуш медали, Европа ва жаҳон чемпионатларининг бронза медали совриндори бўлди.
