«Ньюкасл» ва «Атлетико Мадрид» испан клубининг инглиз ҳимоячиси Киран Трипьернинг трансфери борасида музокаралар олиб бормоқда.
Журналист Николо Скира ўз твиттер саҳифасида хабар беришича, «қарғалар» «Шеффилд Юнайтед»нинг норвегиялик яримҳимоячиси Сандер Бергга ҳам қизиқиш билдирган.
Клуб ҳар иккала футболчи ичидан энг яхши вариант борасида бир қарорга келиши керак. Триппьер жорий мавсумни кўнгилдагидек ўтказа олмаяпти.
У «Атлетико» сафида барча мусобақалар доирасида 17 та ўйинда майдонга тушиб, бирорта ҳам гол ура олмади. Transfermarkt портали футболчининг нархини 20 миллион еврога баҳоламоқда.
Маълумот учун, «Ньюкасл» 18 ўйиндан сўнг Премьер-лигада 19-ўринда бормоқда.
