"МЮ" футболчиси Маркуз Решфорд жамоасининг ҳолати ҳақида гапирди. У "Ньюкасл"га қарши баҳс олдидан шундай дейди:
"Биз ҳафта давомида яна сафга қайтдик. Ҳозирда асосий таркиб вакиллари машғулотларга киришди. Ҳамманинг кайфияти яхши ва ўйин учун жиддий ҳозирлик кўрмоқда. Биз ўз ўйинларимиз қолдирилгани сабаб хафа бўлгандик. Аммо ҳозир ҳаммаси ортда қолди. Ҳозирги вазифамиз эса олдимизда турган баҳс ҳақида ўйлаб, унга тайёр ҳолда етиб бориш. Агар байрам арафидаги баҳсларни яхши даражада ўтказа олсак, ўйлайманки, қолган давр ҳам шундай яхши бўлади".
Эслатиб ўтамиз, "МЮ" ҳозирда 6 поғонада жойлашган. "Манчестер Сити" билан орадаги фарқ 17 очкони ташкил этмоқда.
