"Манчестер Юнайтед"нинг франциялик ярим ҳимоячиси Поль Погбанинг жамоадаги келажаги ноаниқлигича қолмоқда. Ярим ҳимоячининг “қизил иблислар” билан шартномаси жорий мавсум охиригача мўлжалланган.
"Marca" нашри хабарига кўра, "Реал Мадрид" энди франциялик футболчини ўз сафига қўшиб олмоқчи эмас. Қайд этилишича, "қироллик клуби" Погбани ҳатто текинга ҳам ўз сафига қўшиб олмайди.
Аввалроқ, футболчини эркин агент сифатида ПСЖ ва Туриннинг "Ювентус" клублари ўз сафига қўшиб олмоқчи экани хабар қилинганди.
Жорий мавсумда Премьер-лигада Погба 9 ўйин ўтказиб, 7 та голли узатмани амалга оширди.
