"Манчестер Юнайтед" ҳужумчиси Энтони Марсьяль жамоани тарк этмоқчи. Бу ҳақда у бош мураббий Ральф Рангникга маълум қилди.
"Энтони кетишни хоҳлайди. У жамоасини ўзгартириш вақти келганига ишонади”, — дея Рангникнинг сўзларидан иқтибос келтиради журналист Фабрицио Романо.
Мураббий, шунингдек, бошқа жамоалардан футболчи бўйича расмий таклифлар ҳақида ҳозирча хабари йўқлигини таъкидлаб ўтди.
Жорий мавсумда 26 ёшли Марсьяль “Манчестер Юнайтед” сафида 10 та ўйинда майдонга тушди ва 1 та гол урди. Transfermarkt.com форвардни 31,5 миллион фунтга баҳоламоқда.