"Челси" ҳимоячиси Сезар Аспиликуета Англия Премьер-лигасидаги ўйинлар қолдирилиши билан боғлиқ вазият ҳақида ўз фикрлари билан ўртоқлашди.
"Ўйинларга тайёргарлик кўриш қийинлашди. Энди биз нафақат жароҳатлар, балки коронавирусга ҳам дуч келдик. Клублар ва лига барча учун хавфсиз муҳит яратишга ҳаракат қилмоқда, аммо охирги пайтларда бизда жуда кўп йўқотишлар бўлди.
Биз буларнинг барчасини бошдан кечирдик ва бизга айтилганини қилдик. Лекин ўйлайманки, баъзи ўйинлар кейинга қолдирилган, бошқалари эса қолдирилмаган мезонлар мутлақо тушунарсиз. Бизга тўлиқ маълумот берилмаган ва ачинарлиси, баъзи жамоалар битта вазиятга тушиб қолган, қолганлари эса бошқа вазиятда", - дея иқтибос келтиради испанияликнинг сўзларидан клуб расмий сайти.
