«Рубин» яримҳимоячиси Хвича Кварацхелия ўз фаолияти ҳақида гапирди.

«Мамука Жугели (футболчининг агенти) отамнинг яқин дўсти, у билан узоқ йиллик муносабатларимиз бор.

Менинг ўсишимда у катта роль ўйнаган - ҳамма нарса унга ва менга боғлиқ. Мен унга 100 фоиз ишонаман ва у мен учун қўлидан келганини қилишини биламан.

Россия лигасида орқага кетяпман деб ўйламайман, бу чемпионатда кўп нарсани ўргандим. Тажриба орттирдим, жисмонан тайёрландим, лекин ҳар ким ўз фикрини билдириши мумкин, буни муаммо деб билмайман», — дейди Хвича.

Олдинроқ яримҳимоячига «Вест Хэм», «Эвертон» ва «Саутгемптон» клублари даъвогарлик қилаётгани хабар қилинганди.