Испания футболида коронавирус билан боғлиқ муаммолар давом этмоқда. "Реал Мадрид"нинг бир нечта ўйинчиси вирус юқтиргандан кейин Covid-19 ни енгишга муваффақ бўлган кўринади. "Эспанёл"да юқтирганлар бор ва душанба куни "Барселона" Клемен Ленгла ва Дани Алвеснинг коронавирус тестининг ижобий натижаларини эълон қилди.
“Кадис” матбуот хизмати хабар беришича, бу жамоада ҳам ҳаммаси жойида эмас. Беш футболчи бирданига коронавирус билан касалланган.
Испанияда қисқа қишки танаффус бор ва "Кадис" мавсумни 3 январь куни иккинчи ўринда бораётган "Севилья"га қарши уй учрашуви билан давом эттириши кутилмоқда.
