"Манчестер Сити" клуби бош мураббийи Роберто Манчини Англия чемпионатининг 29-туридан олган "Челси"га қарши учрашуви ниҳоясига етгач, ўйин борасида ва яна майдонга қайтган Карлос Тевес борасида ўз фикрларини билдириб ўтди.
"Мен Карлос Тевеснинг бу ўйинда майдонга тушиб жуда яхши спорт формада эканлигини кўрсата олганидан хурсандман. Тўғри у 100 фоиз тайёр эмас, биро футболни яхши тушунади", дейди мураббий Карлос Тевес ҳақида гапираркан.
"Ўйлайманки, биз бугун ҳақли равишда ғалаба қозондик. Сабаби биринчи бўлимнинг ўзидаёқ бизда учта ёки тўртта жуда қулай имкониятлар юзага келганди. Гол ўтказиб юборгач ҳам, бундай ўйин билан мағлубиятга учрамаслигимиз керак деб ҳисоблагандим. Биз бугун ғалаба қозонишни уддаладик. Бу уч очкодан кўра муҳимроқ. Жамоа гол киритганидан кейин ўзимни тутиб тура олмадим", дея Манчинининг сўзларидан иқтибос келтирмоқда ВВС нашри.