"Ньюкасл" футболчиси Шон Лонгстафф "МЮ"га қарши баҳсдан кейин ўз фикрлари билан ўртоқлашди. У шундай дейди:
"Менимча, бутун ўйин мувозанати бизнинг қўлимизда эди. Шу эътибор билан ҳам уч очкога лойиқ эдик деб ҳисоблайман. Биз ўйин давомида жуда кўп вазиятлар яратдик. Ўйлашимча, бу борада бугун мавсум давомидаги энг яхши натижага эга бўлдик.
Ўйин нуқтайи назаридан биз ғалаба қилдик. Аммо натижа бизни қаноатлантирмади. Янги мураббий бизга айнан мана шундай ҳаракат қилишни уқтиради. Шунга қарамай, мухлислар олдида юзимиз ёруғ. Чунки улар бизга ажойиб муҳит хадя этишди".
Ушбу баҳс 1-1 ҳисобида якун топган эди.
