«Лацио» яримҳимоячиси Сергей Милинкович-Савичнинг отаси Никола ўғлининг «Манчестер Юнайтед» ёки «ПСЖ»га ўтиши мумкинлиги ҳақидаги хабарларга изоҳ берди.
«Бу миш-мишлар доимо пайдо бўлиб келган, аммо президент Лотито буни инкор қилди. Сергей Римда бахтли ва жамоада қолишга тайёр», - дейди Никола Милинкович-Савич.
Олдинроқ сербни «ПСЖ» спорт директори Леонардо ўз жамоасига таклиф қилгани ҳақида хабарлар тарқалган эди.
Маълумот учун, 26 ёшли яримҳимоячи жорий мавсум А Серия ва Европа Лигасида 25 та ўйин ўтказиб, 5 та гол ва 6 та голли узатмани амалга оширди.
