ОФК Кубогидан ўрин олган «Салгаокар» ва «Нефтчи» жамоалари ўртасидаги учрашувдан сўнг, фарғоналиклар устози Юрий Саркисян ўйин борасида фикрлари билан ўртоқлашди.
«Кеча жамоа Гоа шаҳрига етиб келгунича, футболчилар жуда толиқишди. Мен ушбу сафардан кўнглим тўлмади. Сўнгги вақтларда биз жуда кўп сафарларда бўлмоқдамиз. Бу эса футболчиларнинг ҳолатини ўнглашга имконият бермаяпти. Об-ҳавонинг жуда тез ўзгариши ҳам салбий таъсирини ўтказмай қолмайди».
«Ўйин ҳақида нима дейишим мумкин? Ҳисоб бизнинг фойдамизга якунланиши мумкин эди, бироқ яратилган вазиятлардан фойдалана олмаслигимиз бизга панд берди», дейди “Нефтчи” бош мураббийи Юрий Сарксиян.