"Бакоевнинг бир ўзи бизнинг уч ҳужумчимиздан кўп иш қилди", деди Павлодарда мағлубиятга учраган "Тобол" бош мураббийи Вячеслав Грозний.
Қозоғистон чемпионати 2-турининг марказий учрашуви Павлодарнинг "Иртиш" клуби Қустанойнинг "Тобол" клубини 4:1 ҳисобида тор-мор этди. Улуғбек Бақоев ўзининг собиқ жамоаси "Тобол" дарвозасига иккита гол киритди. Улуғбек ушбу жамоа билан 2010 йилда олтин медаль соҳиби бўлган эди.
- "Тобол"га қарши махсус руҳий тайёргарлик кўрмадим, - дейди ўйиндан кейин Бақоев. - Биз шунчаки асосий рақибимизни ютишни истадик.Менинг иккита гол киритишим - шунчаки рўй берди, холос.
- Сиз охирги марта ўтган мавсумда "Жетису" сафида гол урган эдингиз, қишда эса "Дубай клуб"ида тўп кирита олмадингиз. Нима деб ўйлайсиз, гол "қурғоқчлиги" ортда қолдими?
- Гол урганимда ўзимга бўлган ишонч пайдо бўлади, дарров қонимда адреналиннинг таниш ҳисини сездим. Амирликларда ўтган кунларимни эслагим келмайди, ҳатто бу менга фойдали тажриба вазифасини ўтаган бўлса ҳам.
- Янги мавсумда нечта гол урмоқчисиз?
- Охирги йилларда 15тадан кам гол урмагандим. Орқага қадам ташламаслик учун ўз имкониятларимни 100 фоиз ишга солмоқчиман.
- Ўтган мавсумда Толдиқўрғоннинг "Жетису" клуби етакчиси эдингиз. Ушбу жамоани совриндорлар сафига айнан сиз олиб чиқансиз, деган фикрлар бор...
- Менга бундай гаплар ёқмайди. Натижа учун ҳамма ишлади - ошпаздан тортиб клуб президентигача. Шунинг учун кумуш медалларга сазовор бўлдик. Павлодарда ҳам кўрпани ўзимга тортиб олмоқчимасман. Биз - катта оиламиз. Менга шундай туюляптики, Павлодарда мен икки ой эмас, бир неча йиллардан буён ўйнаётгандай. Биз бирлашсак, барча учун хавфли рақибга айланамиз.
