"Уотфорд" устози Клаудио Раньери "Вест Хэм" билан ўйин ҳақида гапирди. У мағлубият ҳақида шундай дейди:
"Бу ерда ягона ижобий жиҳат шундан иборатки, биз ўйинни яхши бошладик, гол урдик ва охиргача курашдик. Аммо жамоа ҳали алоҳида ва гуруҳ сифатида тўғри қарор қилишни ўрганиши керак. Шу сабаб биз жамоа билан тўғри ечим танлаш борасида ҳали ишлашимиз керак. Кеча бир дақиқада иккита гол ўтказиб юбордик. Иккинчи бўлим аввалида эса пенальтига сабабчи бўлдик. Бу эса мағлубият томонга ташланган қадам эди. Футболчилар бир-бирини тушуниб ҳаракат қилиши керак".
Эслатиб ўтамиз, кеча "Уотфорд" ҳамда "Вест Хэм" баҳси 4-1 ҳисобида Лондон клуби фойдасига ҳал бўлган эди.
