"Uotford" ustozi Klaudio Ranyeri "Vest Xem" bilan o‘yin haqida gapirdi. U mag‘lubiyat haqida shunday deydi:
"Bu yerda yagona ijobiy jihat shundan iboratki, biz o‘yinni yaxshi boshladik, gol urdik va oxirgacha kurashdik. Ammo jamoa hali alohida va guruh sifatida to‘g‘ri qaror qilishni o‘rganishi kerak. Shu sabab biz jamoa bilan to‘g‘ri yechim tanlash borasida hali ishlashimiz kerak. Kecha bir daqiqada ikkita gol o‘tkazib yubordik. Ikkinchi bo‘lim avvalida esa penaltiga sababchi bo‘ldik. Bu esa mag‘lubiyat tomonga tashlangan qadam edi. Futbolchilar bir-birini tushunib harakat qilishi kerak".
Eslatib o‘tamiz, kecha "Uotford" hamda "Vest Xem" bahsi 4-1 hisobida London klubi foydasiga hal bo‘lgan edi.
