"Арсенал" футболчиси Гранит Жака жамоадоши Обамеянгни қайтишга чақирди. У бу ҳақида шундай дейди:
"Мен унинг вазиятида қолиб кетган эдим. Шу сабаб у нимани ҳис қилаётганини яхши биламан. Аммо меники бошқа ҳикоя. Обаники эса бошқа йўл. Ҳа, инсонда шундай ҳолатлар учраб туради. Бу ҳаёт. Аммо ҳар доим фақат олдинга қадам ташлаш лозим. Ишончим комил, Обамеянг ўз кучи ва тажрибаси билан яна қайтади. Олдингидан яхшироқ бўлиб қайтади!
Мен ҳамма нарсани сабаби борлигига ишонаман. Шундай вазиятларда сен ўзингни фақат ижобий ўй-ҳаёллар билан юришга, ўз кучингга ишонишга ундай олишинг керак. Мен Обамеянгни буни эплашига ишонаман".
Жака 2019 йилнинг октябрь ойида мухлислар кўз-ўнгида қилган ахлоқсизлиги сабаб сардорликдан маҳрум этилган эди.
