"Arsenal" futbolchisi Granit Jaka jamoadoshi Obameyangni qaytishga chaqirdi. U bu haqida shunday deydi:
"Men uning vaziyatida qolib ketgan edim. Shu sabab u nimani his qilayotganini yaxshi bilaman. Ammo meniki boshqa hikoya. Obaniki esa boshqa yo‘l. Ha, insonda shunday holatlar uchrab turadi. Bu hayot. Ammo har doim faqat oldinga qadam tashlash lozim. Ishonchim komil, Obameyang o‘z kuchi va tajribasi bilan yana qaytadi. Oldingidan yaxshiroq bo‘lib qaytadi!
Men hamma narsani sababi borligiga ishonaman. Shunday vaziyatlarda sen o‘zingni faqat ijobiy o‘y-hayollar bilan yurishga, o‘z kuchingga ishonishga unday olishing kerak. Men Obameyangni buni eplashiga ishonaman".
Jaka 2019 yilning oktyabr oyida muxlislar ko‘z-o‘ngida qilgan axloqsizligi sabab sardorlikdan mahrum etilgan edi.
