"Манчестер Сити" устози Пеп Гвардиола "Брентфорд"га қарши ғалабадан кейин ўз фикрлари билан ўртоқлашди. У шундай дейди:
"Ҳали олдимизда яна тўпланиши керак бўлган 54 очко турибди. Барчангизга билдирилаётган илиқ фикрлар учун раҳмат. Аммо сизнинг чемпионлик ҳақидаги гапларингизга ишонмайман. Чунки ортимиздаги "Челси" ҳамда "Ливерпуль" жуда хавфли рақиб. Бири Европа чемпиони. Бошқаси эса АПЛдаги энг ашаддий рақибимиз. Яна шуниям айтиб ўтишим керак. Биз ҳосил қилган масофа уларнинг очко йиға олмагани учун юзага келмади. Балки биз 10та ўйинни қаторасига ютганимиз учун пайдо бўлди".
Эслатиб ўтамиз, "Манчестер Сити" 20та турдан кейин 50 очко билан етакчилик қилмоқда.
