"Арсенал"нинг собиқ футболчиси Ли Диксон январь ойидаги харидлар учун ўз фикрларини билдириб ўтди. У "Эвертон" футболчисини энг яхши вариант деб ҳисоблайди:

"Мен Калверт-Льюинни "Арсенал"да кўришни истаган бўлардим. Ўйлашимча, жадвалдаги юқори ўринлар учун курашда сизга Холанд каби савияли ҳужумчилар керак бўлади. Менимча, "Арсенал"га ўтиш, Калверт-Льюин учун ҳам олдинга қадам бўларди. Менга уни ўйинлари ёқади. Унда катта потенциал бор. У кучли жангчи, вазиятларни зўр якунлайди. Мен уни сотиб олган бўлардим".

24 ёшли инглиз ҳужумчиси 150та АПЛ баҳсида 43та голга муаллифлик қилган. Ҳозирда "Эвертон" ҳужумчини 60 миллион фунтга баҳоламоқда.