«Монако» бош мураббийи Нико Ковач клуб базаси билан ишлашдан четлаштирилди. Ушбу радикал қарорнинг баъзи сабаблари маълум бўлди.
Ўтган мавсум, январдан майгача Ковач ҳужумда ва яримҳимояда 7-8 нафар футболчи билан ўйнади. Бу мавсум эса катта пулга сотиб олинган яна тўрт нафар футболчи таркибга қўшилди. Йигитлар ўтган мавсумда яхши ўйнашди, бироқ мураббий уларни захирага қўйди.
Бу фақатгина Бен Еддер эмас. Майдон марказида ҳам омадсиз йигитлар бор. Фофана, Гелсон Мартинес, улар ҳам мураббийдан норози бўлган.
Эслатиб ўтамиз, 50 ёшли Ковач 2020 йилнинг июлида француз клубини қабул қилиб олган эди. Унинг шартномаси 2022/23 йилги мавсум охиригача амал қилади.
