Янги мавсумга ўз олдига жиддий мақсадлар қўйган “Навбаҳор” янги йилнинг илк кунидан бошлаб, ўз таркибини кучайтиришда давом этмоқда.

Грузиялик тажрибали ҳужумчи Элгужа Григалашвили жамоамиз билан шартнома имзолади.

Григалашвили 1989 йил, 30 декабрь куни Грузия пойтахти Тбилиси шаҳрида туғилган, яъни, футболчи куни кеча 32 ёшга тўлди.

Футболчилик фаолияти давомида Грузиянинг “Мерани” (Мартвили, 2011-2012 йиллар), “Динамо” (Батуми, 2012 йил, 2016-2017 йиллар), “Торпедо” (Кутаиси, 2012-2013 йиллар), “Динамо” (Тбилиси, 2013 йил), “Чихура” (Сачхере, 2014 йил), Кипрнинг “Отеллос” (Афиену, 2014-2015, 2016-2017  йиллар), “Пафос” (Пафос, 2015 йил), “Этникос” (Ахна, 2016 йил) клубларида ўйнаган.

Григалашвили 2018-2021 йилларда юртимизда, яъни, Навоийнинг “Қизилқум” жамоасида тўп тепди.   

Ишончимиз комилки, Элгужа Григалашвили 2022 йилги мавсумда “лочинлар”нинг муваффақиятларига ўз ҳиссасини қўшади.