"Арсенал"нинг собиқ ўйинчиси Тьерри Анри "канонирлар" устозининг иш услуби ҳақида гапириб берди.

"Венгер бизни ўз кучимизга ишонишга мажбур қилмоқда. У ўзингни кўрсатишга имконият беради. Лекин вақти-вақти билан шавқатсизга айланиб қолади. У ўз имкониятларингни ишга солишга мажбур қилади ва ўз ҳолингга бефарқ бўлишингга йўл қўймайди.

У ўз шогирдларини жуда севади ва бу ҳислатини йўқотмаса ҳам керак. У ўз ўйинчиларига шунчалик ишонадики, бу ишонч охирги ўйинларда содир бўлганидай, хатоларимизни тўғрилашда катта ёрдам беради. У ўз жамоасига ишонади", дея Анрининг сўзларидан иқтибос келтиради The Independent.