Азиз Алижонов «Ал-Уруба»га қарши майдонга тушмайди

«Ал-Уруба»га қарши учрашувда «Нефтчи» Азиз Алижоновнинг хизматидан фойдалана олмайди. Бу ҳақда ПФЛ расмий сайти хабар тарқатмоқда.

ОФК Кубоги «D» гуруҳи 2-тур «Салгокар» (Ҳиндистон) – «Нефтчи» (Ўзбекистон) учрашувини бошқариб борган туркманистонлик бош ҳакам Чоримурод Қурбонов ўйин давомида тўпни қўли билан ўйнагани учун, дастлаб, 17-дақиқада Азиз Алижоновни, 53-дақиқада эса Шукурали Пўлатовни сариқ карточка билан жазолаган эди.

Яримҳимоячи Азиз Алижонов учун бу сариқ 2012 йилги ОФК Кубоги доирасидаги иккинчи огоҳлантириш бўлди. Футболчи Иорданиянинг «Ал-Виҳдат» жамоасига қарши 1-тур учрашувининг 90+3-дақиқасида биринчи сариқ карточкасини ишлаб олганди.

Шундай қилиб, икки ўйинда жами икки сариқ карточка олгани сабаб, Азиз Алижонов 4 апрель, чоршанба куни Уммоннинг «Ал-Уруба» клубига қарши ОФК Кубоги гуруҳ босқичи 3-тур учрашувини ўтказиб юборишга мажбур.
Қайд этиш жоиз, Азиз Алижонов – иккита гол билан – «Нефтчи»нинг ОФК Кубоги-2012даги тўпурари бўлиб турибди. Футболчи «Ал-Виҳдат»га қарши учрашувда ҳисобни очган бўлса, «Салгокар»га қарши учрашувда жамоасини ҳисобда олдинга олиб чиққанди.

Тизимга кириш
Эл. почта:
Пароль:
	Эсда сақлаш

регистрация \| паролни тиклаш

29/12 00:45	Аталанта	0-1	Интер
30/12 00:45	Рома	3-1	Женоа
31/12 00:30	Бёрнли	-	Ньюкасл
31/12 00:30	Челси	-	Борнмут
31/12 00:30	Ноттингем Форест	-	Эвертон
31/12 00:30	Вест Хэм	-	Брайтон
31/12 01:15	Арсенал	-	Астон Вилла
31/12 01:15	Ман. Юнайтед	-	Вулверхэмптон

Азиз Алижонов «Ал-Уруба»га қарши майдонга тушмайди

ЭНГ КЎП ЎҚИЛГАН ЯНГИЛИКЛАР