"Тоттенҳэм" бош мураббийи Антонио Конте жамоа директорлари кенгашидан Франкфуртнинг "Айнтрахт" клуби футболчиси Филип Костични сотиб олишни сўраган, футболчининг нархи 25-30 миллион еврога баҳоланмоқда.
Fichajes хабарига кўра, "Айнтрахт" клуби ярим ҳимоячиси Филип Костич АПЛга кўчиб ўтишга қарши эмас. Контенинг қизиқиши эса бу трансфернинг амалга ошиши учун асосий омил бўлиши мумкин.
29 ёшли сербиялик футболчи Бундеслигада 2018 йилдан бери тўп суради, ўшанда у дастлаб Гамбург СВдан ижарага олинган ва кейинги йили унинг трансфери амалга оширилган. Шу вақт ичида Костич "Айнтрахт" сафида 148 та ўйинда 29 та гол ва 57 та голли узатмани амалга оширган.
