Миланнинг “Интер” клуби 2021 йилги календарь давомида А Серия ўйинларида 104 та гол урди. Бу лига тарихидаги энг кўп гол уриш бўйича бешинчи рекорд бўлган. Бундан юқорироқ кўрсаткичлар 1947 ва 1950 йиллар оралиғида қайд этилган. Шу тариқа, жамоа 70 йилдан ортиқ вақт ичида биринчи марта бир календарь йилида Италия чемпионатида юздан ортиқ гол уришга муваффақ бўлди, деб ёзади "OptaPaolo" Twitter саҳифасида.
Маълумот учун, 1950 йилда "Милан" бир йил ичида 120 та гол уришга муваффақ бўлган. Бу рекорд бошқа италян жамоалари учун ҳамон эришиб бўлмайдиган натижа бўлиб қолмоқда.
