Ўтмишнинг машҳур футболчиси, айни вақтда Ловеч шаҳри (Болгария)нинг "Литекс" клуби бош мураббийи Христо Стоичков пойтахтнинг "Славия" клубига қарши минимал ҳисобда бой берилган миллий чемпионат ўйинидан сўнг ўйин бош ҳаками Богомил Мариновга қўнғироқ қилиб, уни ҳакамлик карьерасини тугатишга мажбур қилган.

— У менга сешанба куни қўнғироқ қилиб, аввал ўзини таништирди, сўнг эса ҳақорат ва таҳдидлар янгради, — дея Мартинов сўзларини келтиради Болгария футбол ҳакамлари расмий сайти. — У бу ўйин менинг карьерамда сўнггиси эканлиги, бошқа ҳакамлик қила олмаслигимни айтди. Мен эса профессионал футболдан кетишга қарор қилдим, гарчи футболни севчам-да. Гонорарларри сезиларли даражада кам бўлса-да, энди карьерамни ҳаваскорлар лигасида давом эттираман.

Қайд этиб ўтиш жоиз, Стоичковга ёқмаган жиҳат – иккинчи бўлим бошларида жамоанинг энг яхши тўпурари Марселу Нисасиунинг четлатилиши бўлган.