"Арсенал" қишки трансферлар ойнасида ўз футболчисини жамоага қайтаради. Жамоа устози Миклель Артета марказий ҳимоя чизиғини кучайтириш мақсадида ўз футболчисини ижарадан қайтариб олмоқда.
Хабарларга кўра, "Арсенал" тарбияланувчиси, ҳозирда Шотландиянинг "Росс Каунти" жамоасида ҳаракат қилаётган Харри Кларк жамоага қайтиши кутилмоқда. Бу ҳақида клуб расмий сайтида маълум қилинди. 20 ёшли ҳимоячи мавсум олдидан асосий жамоада дебют қилган эди.
Кларк ҳозирга қадар "Росс" клуби сафида 17та учрашув ўтказган бўлиб, 3та гол ҳамда 2та ассистни ўз ҳисобига ёздириб қўя олган.
