Муборакдаги Б.Вафоев номидаги стадионда ПФЛ-2012 2-тури доирасидан ўрин олган яна бир учрашув бўлиб ўтди.
Ўтган илк турда "Металлург" ўз майдонида "Андижон" билан очко бўлишган бўлса, "Машъал" "Жар" стадионида Хайрулла Каримовнинг қўли билан урилган голи эвазига мағлубиятга учраган эди.
Биринчи бўлим тенг курашлар ва тартиблар ўйинлар асносида кечган бўлса, Фомичёв шогирдлари иккинчи бўлим бошланиши билан ҳисобни очишди. Гол муаллифи – Самандар Шодмонов.
Иккинчи бўлимга қўшиб берилган дақиқалар ўтиб бораётганда дарвозалар томон икки бор пенальти белгиланди. Аввал мезбонлардан Игорь петкович ҳисобни йирикроқ кўриниш олишига сабаб бўлган голни киритган бўлса, компенсация вақтининг 2-дақиқасида Шуҳрат Йўлдошев ҳисобдаги фарқни бироз қисқартирди.
Ушбу ўйиндан онлайн трансляция қилишни мўлжаллаган эдик. Бироқ Б.Вафоев стадионида журналистлар ишлаши учун элементар шароитлар (розетка) йўқлиги боис, ўйлаган ниятимизга ета олмадик.
МАШЪАЛ – МЕТАЛЛУРГ 2:1 (0:0)
Муборак. "Б. Вафоев"номли сатдион. 2112 томошабин.
Голлар: С. Шодмонов (47), И. Петкович (90,-пен) – Ш. Йўлдошев (90+3,-пен).
Ҳакамлар: Р. Бобомуродов (Навоий), О. Жумаев (Навоий), Р. Самандаров (Навоий), Н. Болтаев (Навоий).
Назоратчи: А. Абдуллаев (Тошкент).
Огоҳлантиришлар: С. Қувватов (90+2) – С. Расулов (81), Д. Одилов (90).
Энг яхши ўйинчилар: И. Петкович – Ҳ. Ҳошимов.