Деярли мавсум сўнггигача пешқадамларни изма из таъқиб қилиб борган менхенгладбахликлар уёғига давом эттира олмайдилар шекилли. "Ҳоффеҳайм"га қарши ўйиннинг биринчи таймини ўз фойдасига ҳал қилган "Боруссия" футболчилари иккинчи бўлимда бироз хотиржамликка берилдилар ва мағлубиятга учрадилар. Меҳмонлар учун ҳам бу ғалаба жуда зарур бўлганини таъкидлаш жоиз, зеро жамоа хавфли зонага анча яқинлашиб қолганди.
Ниҳоят "Бавария" ҳам "одамга ўхшаб" ютишни бошлади. Сўнгги ўйинлардаги натижалар учун ҳатто хоккей жамоалари муаллифлик ҳуқуқи сўрай бошлагандилар. ЕЧЛ ўйинидан олдин бироз прагматик футболни афзал кўрган мюнхенликлар "Ганновер" устидан кичик ҳисобда ғалаба қозонишди. Пешқадам билан орадаги фарқ 2 очкогача қисқарди. Аммо дортмундликлар "Кельн" билан ўйинда ушбу масофани ошириб олишлари ҳам мумкин. Ушбу учрашув эртага бўлиб ўтади.
ФРАЙБУРГ – КАЙЗЕРЛАУТЕРН – 2:0 (2:0)
Голлар: Геде (8), Макиади (14).
МАЙНЦ– ҲЕРТА – 1:3 (0:1)
Голлар: Чупо Монтинг (58) – Бен-Хатира (41), Рамос (52,69)
БАВАРИЯ – ГАННОВЕР 96 – 2:1 (1:0)
Голлар: Кроос (36), Гомес (68) – Я Конан (74).
ВЕРДЕР – АУСБУРГ – 1:1 (0:0)
Голлар: Фюллькруг (61) – Верхаг (90).
БОРУССИЯ М – ҲОФФЕНҲАЙМ 1899 – 1:2 (1:0)
Голлар: Ройс (38) – Фирмино (77), Вукчевич (79).
