"Челси" бош мураббийи Томас Тухель "Тоттенхэм" билан Англия Лига кубоги ярим финал биринчи ўйинидан сўнг (2:0) шов-шувли интервьюси туфайли "Ливерпуль"га (2:2) қарши АПЛ ўйинини ўтказиб юборган ҳужумчи Ромелу Лукакуни мақтади.
“Унининг бугунги ўйинидан мамнунман. Ромелу ўйинда фаол қатнашди ва ҳимояда жуда катта ёрдам берди, бу жуда муҳим. У доимо рақиб ҳимоясига таҳдид солиб, жисмоний имкониятларидан оқилона фойдалана олади.
Тўғрисини айтсам, мен буни кутгандим, чунки Ромелу босим ва қийинчиликларга дош бера олади. Биз ҳамма нарсани муҳокама қилганимиздан сўнг, мен у бугунгидек ўйин кўрсатиш учун етарлича куч йиғганини ҳис қилдим", – деди Тухель.
