“Тоттенхэм” бош мураббийи Антонио Конте қишки трансфер ойнаси ҳақида гапирди. 

“Агар қишки трансфер ойнаси вазиятни ҳал қилади десам, бу ҳақиқат эмас, ёлғон бўлади. Бизда қиладиган ишлар кўп. Қишда футболчиларни сотиб олиш жуда-жуда қийин. Ўйлайманки, биз ўйинчиларимизни яхшилашга эътибор қаратишимиз, шундан кейингина кучайиш имкониятларини баҳолашимиз керак.

Муаммоларимиз ечимини трансфер ойнасида кўрмаяпман. Бизнинг муаммоларимизни меҳнат ва тараққиёт орқали ҳал қилиш мумкин”, деди Конте журналистларга Англия Лига кубогида “Челси”дан учралган мағлубиятдан сўнг (0:2).