“Ньюкасл” “Фиорентина” ҳужумчиси Душан Влаховични сотиб олишга жиддий бел боғлаган. 

Журналист Танкреди Пальмерининг сўзларига кўра, 21 ёшли серб учун “қарғалар” 70 миллион евро тўлашга тайёр. Бу “Фиорентина” потенциал харидорлардан талаб қиладиган миқдор ҳисобланади.

Бироқ футболчининг ўзи ҳам Премьер-лига аутсайдери сафига ўтишдан манфаатдор эмас.

Влахович жорий мавсумда 22 та ўйин ўтказиб, 18 та гол урди ва 3 та голга ассистентлик қилди.