Хабарингиз бор, "аждарлар" 3 январдан бошлаб Қаршидаги қароргоҳларида йиғилишган эди. Ҳозирги кунда футболчиларимиз икки маҳалдан машғулотлар олиб боришмоқда.
3 январь куни миллий терма жамоа йиғини учун жалб этилган футболчилари тиббий кўрикдан ўтиб, жамоа ихтиёрига келиб қўшилишган эди. Улар ҳозир жамоа билан машғулотларни давом эттиришмоқда. Умиджон Эргашев, Умар Эшмуродов, Дилшод Саитов, Шерзод Насруллаев, Акмал Мозговой, Абубакр-Ризо Турдиалиев, Ойбек Бозоров, Ҳусайн Норчаевлар ҳамда жамоамиз массажчиси Андрей Безбородов 9 январь куни миллий терма жамоа ихтиёрига бориб қўшилишади.
"Насаф" янги мавсумга тайёргарлик доирасида 13 январь куни соат 14:00 да "Геолог" стадионида Бухоронинг "Бухоро" жамоаси билан назорат учрашувида майдонга тушади.
"Насаф" футбол клуби матбуот хизмати
