"Бавария" бош мураббийи Юлиан Нагелсманн Германия чемпионатининг 18-туридан ўрин олган Мюнхенгладбахнинг "Боруссия"сига (1:2) қарши ўйин натижаларини сарҳисоб қилди.

"Аслида биз Гладбахдан кўра ғалаба қозонишга яқинроқ эдик. Мағлубиятлар ҳеч қачон ёқимли бўлмайди. Биз биринчи 25 дақиқани жуда яхши ўтказдик, аммо биз устунликни рақибга ўтиб кетишини кутмаган эдик.

Иккинчи бўлимда биз муносиб ўйнадик ва кўплаб имкониятларга эга бўлдик. Кубок баҳсидан фарқли ўлароқ, биз мағлубиятга лойиқ эмасдик", - дея Нагелсманнинг сўзларини келтиради клуб расмий сайти.

"Бавария" 43 очко билан биринчи, "Боруссия" 22 очко билан 12-ўринда бормоқда.