Каталониянинг “Барселона” клуби франциялик ҳимоячи Самуэл Умтитини трансфер қилиш бўйича фақат битта таклиф олди. Бу ҳақда “Sport.es” нашри хабар бермоқда.
Испания матбуоти хабарига кўра, Истанбулнинг “Бешиктош” клуби футболчини ўз сафига қўшиб олмоқчи. Шу билан бирга, турк клуби тўлиқ трансферни амалга оширмоқчи эмас, балки “бургутлар” французни 2021/2022 йилги мавсум охиригача ижарага олмоқчи.
Яқинда Умтити жамоа бош мураббийи Хави Эрнандеснинг режаларига киритилмагани маълум бўлди. Клуб шартномаси яна 1,5 йилга мўлжалланган футболчидан қишда қутулишга ҳаракат қилади.
28 ёшли ҳимоячи 2016 йилда “кўк-анорранглилар” сафига қўшилган эди.
