“La Gazetta dello Sport” нашри хабарига кўра, “Ювентус” ҳали янги форвард харид қилмаган. “Бьянконерилар” ПСЖ ҳужумчиси Мауро Икардини ижарага олишга тайёр, аммо аргентиналик футболчи фақат узоқ муддатли шартнома билан тўлиқ трансферни истамоқда.

Шу сабаб Турин клуби бор эътиборини “Сассуоло” ҳужумчиси Жанлука Скамаккани қўлга киритишга ҳаракатни бошлади. “Сассуола” футболчини қўйиб юборишга тайёр, аммо фақат мавсум сўнггида ушбу трансферни амалга оширмоқчи.

Шундай қилиб, “Ювентус” учун янги форвардни сотиб олиш масаласи очиқлигича қолмоқда. Шу билан бирга, Алваро Мората камида мавсум охиригача Туринда қолиши маълум бўлди.