“Тоттенхэм” бош мураббийи Антонио Конте жамоада жиддий ўзгаришлар қилишни режалаштирмоқда.
ESPN нашри хабарига кўра, инглиз клубини олти нафардан ортиқ футболчи тарк этиши мумкин. Италиялик мураббий “шпорлар” раҳбарияти билан мулоқот қилиб, жамоани қайта қуриш зарурлигини бир неча бор тушунтирган.
Тахминларга кўра, яримҳимоячилар Деле Алли, Стивен Бергвэйн, Танги Ндомбеле, ҳимоячи Метт Доэрти ва бошқа футболчилар “Тоттенхэм”ни тарк этишади. Ҳимоячи Танганга ва яримҳимоячи Жовани Ло Чельсонинг келажаги ҳам ноаниқлигича қолмоқда.
“Тоттенхэм”ни чемпионликка даъвогарга айлантириш учун Конте марказий ва қанотҳимоячилари, ўрта чизиқ позициясини мустаҳкамламоқчи, шунингдек, Ҳарри Кейн ўрнини боса оладиган ҳужумчи билан шартнома имзоламоқчи.
