“Tottenxem” bosh murabbiyi Antonio Konte jamoada jiddiy o‘zgarishlar qilishni rejalashtirmoqda.
ESPN nashri xabariga ko‘ra, ingliz klubini olti nafardan ortiq futbolchi tark etishi mumkin. Italiyalik murabbiy “shporlar” rahbariyati bilan muloqot qilib, jamoani qayta qurish zarurligini bir necha bor tushuntirgan.
Taxminlarga ko‘ra, yarimhimoyachilar Dele Alli, Stiven Bergveyn, Tangi Ndombele, himoyachi Mett Doerti va boshqa futbolchilar “Tottenxem”ni tark etishadi. Himoyachi Tanganga va yarimhimoyachi Jovani Lo Chelsoning kelajagi ham noaniqligicha qolmoqda.
“Tottenxem”ni chempionlikka da’vogarga aylantirish uchun Konte markaziy va qanothimoyachilari, o‘rta chiziq pozisiyasini mustahkamlamoqchi, shuningdek, Harri Keyn o‘rnini bosa oladigan hujumchi bilan shartnoma imzolamoqchi.
