“Анжи” – “Кубань” учрашуви қаҳрамонларидан бири Одил Аҳмедов ўз клуби расмий веб-сайтига қисқақа интервью берди.

— Одил, жамоа ғалаба қозонди, сиз эса Россия чемпионатидаги илк голингизни урдингиз. Ўйиндан олган таассуротларингиз.
— Ғалаба қозониш ва шу билан бирга гол уриш — икки баравар ёқимли. Қўллаб-қувватлаб  тургани учун мухлисларимизга ҳам катта раҳмат.

— Турли сабабларга кўра бугун жамоанинг бир неча етакчилари — Это‘О дсквалификация ва Юрий Жирков машғулотда жароҳат олгани туфайли ўйнамаган бўлса, Жоао Карлос ўйин давомида жароҳат олди. Шундай пайтда ёш ўйинчилар учун айнан сиз жамоа етакчиси бўлдингизми?
— Бугун барча яхши ўйнади. Яхши жамоа йиғилган ва рақобатнинг борлиги бизга фойда беради. Ўйнолмаганларнинг ўрнига тушганлар ҳам фойдали ўйнашди.

— Бугун сизнинг шарафингизга “Чойхана” қўшиғи янгради. Эшитдингизми?
— Албатта, қўшиқни эшитиш ёқимли бўлди. Шу қўшиқдан кейин гол урдим.

— Майдонда ҳаракат қилган ёш Муҳаммад Шарифнинг ўйинини қандай баҳолайсиз?
— Бугун у яхши ўйнаганини ўзингиз ҳам кўрдингиз. Унинг келажаги ҳали олдинда.

— Бугун бош билан гол урдингиз. Аммо сиз ҳар иккала оёқда кучли зарба бера оласиз. “Анжи” мухлисларини оёқ билан урган голингиз орқали қачон хурсанд қиласиз?
— Худо хоҳласа, кейинги ўйинда оёқ билан ҳам гол ураман.