Лондоннинг "Арсенал" клуби бош мураббийи Арсен Венгер, германиялик ҳужумчи Лукас Подольскининг жамоага келиб қўшилиши, келаси мавсумда Канонирларнинг чемпионлик учун кураш олиб боришига замин яратади дея ҳисобламоқда.
"Биз Подольскининг тезроқ сафимизга келиб қўшилишини итсаймиз. У каби юқори савияли ҳужумчиларни сафимизда кўпроқ бўлгани яхши. Ҳозир кўпчилик бизни Ван Персига боғланиб қолган дея ҳисобламоқда. Тўғри, шунинг учун яна бир шундай юқори савияли ҳужумчини жамоамизда кўрмоқчимиз. Подольски айнан мана шундай ҳужумчилардан бири эканлигига шубҳа йўқ.
"Яна бир нечта шундай савиядаги ўйинчиларни ҳарид қила олсак, келаси мавсумда бемалол чемпионлик учун кураша оламиз",-дейди франциялик мутахассис клуб расмий сайтига берган интервьюсида.
