Сержино Дест «Челси»нинг асосий трансфер мақсадига айланди.
Гап шундаки, «кўклар»нинг асосий чап қанот ҳимоячиси Бен Чилвелл мавсум якунига қадар жароҳати туфайли сафдан чиққан эди. Мавсумнинг қолган қисмида «Челси»нинг ягона соғлом чап қанот ҳимоячиси - Маркос Алонсо. Жамоа сардори Сезар Аспиликуэта ҳам бу позицияда ўйнашга қодир, лекин кўпинча у ўнг қанотда ёки ҳимоянинг марказида ўйнайди.
«Челси» Дест трансфери бўйича ҳали «Барселона» билан боғланмаган, аммо вазият лондонликларни яқин келажакда шундай қилишга мажбур қилиши мумкин. Жорий мавсумда Ла Лигада Дест «Барса» таркибида 12 та ўйин ўтказиб, 3 та голли узатмани амалга оширди.
