“Қизилқум” - “Бунёдкор” учрашувидан сўнг матбуот анжумани ташкил этилди.

- Ўйин анча жонли ва жангавор руҳда ўтди. Равшан Ҳайдаров Зарафшонда яхши жамоа шакллантираётгани кўриниб турибди. “Қизилқум”ни ҳали мавсум давомида пешқадамларга қийинчилик туғдиришини ҳозирдан таҳмин қилса бўлади. Ўйинни яхши бошладик ва шу тариқа давом эттирдик. Бироқ ўз хатоимиз оқибатида гол қўйиб юбориб, ғалабани қўлдан чиқардик, - деди Миржалол Қўшоқович.

- Осиё Чемпионлар лигасидаги олис масофаларга бўлаётган парвозлар бугун Сизларга салбий таъсир кўрсатмадими?
- Йўқ, мен бугунги ўйинга бу жиҳат таъсир қилди деб ўйламайман. Шогирдларим чарчаган ҳолатда эмасдилар.